Paralel siniflərdə monitorinq keçirildi
Mayın 8-də 263 nömrəli məktəbdə Azərbaycan dili və riyaziyyat fənni üzrə paralel V və IX siniflər üzrə monitorinq keçirildi. Hər fənn üzrə 15 açıq və qapalı tipli sualdan ibarət olan test kitabçası paylanıldı və şagirdlər bir akademik saat müddətində sualları cavablandırdılar. Monitorinq müddətində məktəbin direktoru şəxsən iştirak etdi. Daha sonra monitorinq sualları xüsusi təşkil edilmiş işçi heyəti tərəfindən yoxlanıldı. Monitorinq nəticələri sinif rəhbərlərinə təqdim edildi və onlar da sinifdə şagirdlərin çətinlik çəkdiyi mövzular ətrafında yenidən müzakirələr apardılar.