Məktəbin tərbiyə işləri üzrə təşkilatçısı Firuzə Məmmədova 9 b sinfi ilə seminar keçirmişdir.
Azərbaycan Respublikası Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyindən daxil olmuş 03.12.2024-cü il tarixli 59-D-327 nömrəli məktubda “Naxçıvan Muxtar Respublikasının 100 illik yubileyinin qeyd edilməsi haqqında“ Azərbaycan Respublikası Prezidentinin 30 dekabr 2023-cü il tarixli 4248 nömrəli Sərəncamının icrasından irəli gələrək Naxçıvanın geosiyasi mövqeyi, XX əsrin əvvəllərində baş verən siyasi hadisələr, Naxçıvan Muxtar Respublikasının yaradılması, Naxçıvanın qədim tarixi, etimologiyası, mədəni irsi və tarixi abidələri haqqında uşaq və gənclərin maarifləndirilməsi məqsədilə cari ilin dekabr ayı ərzində "Məktəblərdə Naxçıvan ayı” layihəsinin keçirilməsi qeyd olunmuşdur.
Bununla əlaqədar hazırlanmış Tədbirlər planına uyğun olaraq bu gün məktəbin tərbiyə işləri üzrə təşkilatçısı Firuzə Məmmədova 9 b sinfi ilə seminar keçirmiş, seminarda Naxçıvanın tarixi abidələri, mədəniyyəti haqqında söhbət aparılmış və sənədli film izlənilmişdir.
