Məktəbin şəhid məzunu Ülvi Rəfiyevin doğum günü
Məktəbin məzunu Vətən müharibəsi şəhidi Rəfiyev Ülvi Rəfail oğlunun doğum günü qeyd olundu. Tədbirdə YAP Xətai rayon təşkilatının sədri Vüqar Rəhimzadə, Xətai Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Anar Məmmədov, təhsil aldığı 263 nömrəli tam orta məktəbin rəhbərliyi, şagird və müəllimləri, şəhidin ailə üzvləri, ictimaiyyət nümayəndələri iştirak etdilər. Şəhidin məzarı ziyarət olundu. Məzarı üzərinə əklil qoyuldu, tər güllər düzüldü, ruhuna dualar oxundu. Həmçinin məktəb kollektivi tərəfindən şəhidin xatirəsinə həsr olunmuş lövhənin qarşısına da güllər düzüldü.
