Aprel döyüşləri böyük zəfərin başlanğıcıdır
Məktəbin Azərbaycan dili və ədəbiyyat müəllimi Səbinə Qasımlı 5e sinfi ilə “Aprel döyüşləri-böyük zəfərin başlanğıcı“ adlı onlayn dərs keçdi. Öncə şəhidlərin əziz xatirəsi bir dəqiqəlik sükutla yad edildi. Müəllim bu döyüşlər haqqında ətraflı məlumat verdi. Aprel döyüşlərinin ən müasir silah və texnika ilə tam təmin olunmuş Azərbaycan Ordusunun, peşəkar, vətənpərvər, qəhrəman əsgərlərimizin gücünu, qüdrətini bir daha nümayiş etdirdiyi, Vətən müharibəsində qazanılan böyük zəfərin başlanğıcı kimi tariximizə yazıldığı qeyd olundu. Şagirdlər də şəhidlərə, Vətənə həsr olunmuş şeirlər səsləndirdilər, bu döyüşlərdə canını qurban vermiş qəhrəmanlar haqqında danışdılar.
