Xocalı faciəsinə həsr olunmuş onlayn tədbir
Məktəbin ibtidai sinif müəllimi Fəxrəndə Rəhimova 4c sinfi ilə “Xocalı faciəsi-29 il” adlı onlayn tədbir təşkil etdi. Tədbir Xocalı soyqırımı qurbanlarının əziz xatirəsinin bir dəqiqəlik sükutla yad edilməsi ilə başlandı. Müəllim əvvəlcə bu faciənin tarixi haqqında şagirdlərə məlumat verdi. Qeyd olundu ki, Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmuşdur. Şagirdlər də bu faciə haqqında öyrəndikləri məlumatları və şeirləri səsləndirdilər.
