Xocalı faciəsi
Məktəbin UBTR Aynur Qənbərova şagirdlərlə birlikdə “Xocalı fəryadı” adlı kompozisiya hazırladı və bu günün tarixi haqqında məlumat verdi. O qeyd etdi ki, Azərbaycan tarixinə ən dəhşətli və faciəli səhifələrdən biri kimi daxil olan Xocalı soyqırımı təkcə xalqımıza yox, bütün bəşəriyyətə qarşı törədilən ən qəddar cinayətlər siyahısında yer alır. Xocalı faciəsi nəticəsində 63-ü uşaq, 106-sı qadın, 70-i qoca olmaqla, 613 Xocalı sakininin qətlə yetirildiyi, 8 ailənin tamamilə məhv edildiyi, 25 uşağın hər iki valideynini, 130 uşağın valideynlərindən birini itirdiyi vurğulandı.
