Fənn olimpiadalarının məktəb turu keçirildi
Respublika fənn olimpiadalarının məktəb turu onlayn şəkildə keçirildi. Məktəbin direktoru Nurqələm Bayramova şagirdləri salamlayaraq uğurlar arzuladı və olimpiadanı açıq elan etdi. Bu mərhələdə vııı-xı sinif şagirdləri 14 müəllimin nəzarəti altında Azərbaycan dili və ədəbiyyat, tarix, coğrafiya, riyaziyyat, fizika, kimya, biologiya, informatika fənləri üzrə biliklərini sınadılar. İştirak edən 129 şagirddən 36-sı fənn olimpiadalarının növbəti mərhələsində iştirak etmək şansı qazandı.
Qeyd edək ki, Respublika fənn olimpiadalarının keçirilməsində əsas məqsəd istedadlı şagirdləri aşkara çıxarmaq, ayrı-ayrı fənlər üzrə istedadı və yaradıcı təfəkkürü ilə fərqlənən məktəblilərin potensial imkanlarını inkişaf etdirmək, şagirdlərin ixtisas və peşə seçiminə hazırlanması üçün əlverişli zəmin yaratmaqdan ibarətdir.