Şuşanın işğalından 28 il ötür
Zəngin tarixə və mədəniyyətə malik olan Şuşa şəhəri 1992-ci il mayın 8-də erməni silahlı birləşmələri tərəfindən işğal edildi. O tarixdən artıq 28 il ötür. Bununla əlaqədar olaraq məktəbin 8ç sinif şagirdi Ayla Bayramlı videoçarx hazırladı. Videoçarxda Azərbaycanın dilbər guşəsi olan Şuşanın tarixi, qədim abidələri, dahi şəxsiyyətləri haqqında məlumat verildi. Qeyd edildi ki, “Azərbaycan musiqisinin beşiyi” adlandırılan Şuşa şəhərinin işğalı ilə Azərbaycan xalqının maddi-mədəni və mənəvi irsinə ağır zərbə vuruldu. Bundan əlavə 6ç sinif şagirdi Aydan Məmmədli hazırladığı videoçarxda Şuşaya həsr olunmuş şeir səsləndirdi.
