Tələbələrə təlim keçirilib
Aprelin 22-də məktəb-liseyin direktoru Könül Məmmədli məktəb-liseydə təsviri incəsənət fənni üzrə pedaqoji təcrübə keçən tələbələrə təlim keçib. Təlimin keçirilməsində məqsəd tələbələrə metodiki dəstəyin göstərilməsidir. Təlimdə müasir dərsə verilən tələblər, öyrətmə və qiymətləndirmə, sağlam psixoloji mühit, məktəbdə dəstəkləyici mühitin yaradılması məsələləri müzakirə edilib. Könül Məmmədli qeyd edib ki, dərsin təşkili zamanı şagirdlərin bilik və bacarıqlarının səviyyəsi, dərslərdəki irəliləyişləri, öyrənmə bacarıqları, davranışları və ətrafdakılarla qarşılıqlı münasibəti, öyrətmənin keyfiyyəti və formativ qiymətləndirmə əsas diqqət yetirilməli məsələlərdir.
