"Aprel döyüşləri Ordumuzun gücünü nümayiş etdirdi!"
2016-cı il aprel ayında Ermənistanın Azərbaycana qarşı növbəti təxribatına ordumuz layiqli cavab verdi.Torpaqlarımızın bir hissəsi əks-hücüm əməliyyatı nəticəsində işğalçılardan azad edilmiş,təmas xəttindəki mövqelərimiz daha da möhkəmləndirilmişdir.Ali Baş Komandan İlham Əliyevin söylədiyi kimi bu döyüş tarixi və parlaq qələbədir,bizim Ordumuz nəyə qadir olduğunu bir daha sübut etdi.Bu hadisələr haqqında məktəblilər tarix müəllimləri tərəfindən geniş məlumatlandırıldı,şəhidlərin adları dəfələrlə anıldı,ədəbiyyat dərslərində onların igidliklərini tərənnüm edən müxtəlif mövzulu inşa yazılar,esselər yazıldı və bunun nəticəsidir ki,Nərimanov Rayon Gənclər və İdman İdarəsi tərəfindən təşkil edilmiş aprel döyüşlərinə həsr edilmiş "Aprel döyüşləri bizim şanlı tariximizdir"mövzusunda keçirilmiş inşa müsabiqəsində fərqləndiyinə görə 8-ci sinif şagirdləri Ləman Əzizli və Səma Alıyeva Fəxri Fərmanla təltif olundular.
