"Şəhidlər ölməzdirlər,ölməzi ağlamazlar!"
258№ li tam orta məktəbdə 16.02.2017-ci il tarixdə şəhid Arif Vəliyevin anım gününün 23-cü ildönümü münasibətilə ədəbi-bədii gecə keçirildi.Bu möhtəşəm gecədə Respublikamızın tanınmış ziyalıları,millət vəkilləri,vətənpərvərlik ruhunda oxuduqları mahnılarla şagirdlərdə qərəmanlıq hissi aşılayan müğənnilər Vaqif Şixəliyev,Sahib İbrahimov və Niyam Səlami də iştirak etdilər.Millət vəkilləri Adil Əliyev,Aydın Mirzəzadə öz çıxışlarında bütün yüksəkliklərdən ucada dayanan Şəhidlik zirvəsinə qalxmaq hər kəsə nəsib olmadığını və yalnız Arif kimi müqəddəs amallar uğrunda çarpışan,vətən və xalq yolunda canını fəda etməkdən çəkinməyən cəsarətli,ləyaqətli insanlar bu zirvəyə yüksələ biləcəyini bir daha vurğuladılar.Nərimanov Rayon Ağsaqqallar Şurasının sədri Miri müəllim öz çıxışında şəhid anası Sona xanıma müraciət edərək bildirdi ki,o,təkcə Arifin deyil,Vətən ugrunda şəhid olan butun ogulların anasıdır.O,Arifi itirsə də, neçə-neçə Arif amallı gözəl balalar həmişə onun ətrafındadır.
