8 noyabr "Zəfər" günüdür!
Ermənistan silahlı qüvvələrinin Azərbaycan torpaqlarını işğal etməsi, xalqımıza qarşı edilən müsibətlər əsrin faciəsi kimi tarixə həkk olunmuşdur. Noyabrın 8-də 28 illik həsrətdən sonra Azərbaycan xalqı üçün böyük əhəmiyyət kəsb edən və rəmzi məna daşıyan Şuşa şəhəri işğaldan azad edilmişdir. Qarabağın tacı olan Şuşa şəhərinin azad edilməsi dünya hərb tarixinə düşəcək unikal hərbi əməliyyatlardan olmuşdur. Hal-hazırda torpaqlarımız düşmən tapdağından azaddır və Azərbaycan qalib dövlət kimi yaşayır, bundan sonra da müzəffər xalq olaraq da yaşayacaq! 44 günlük Vətən müharibəsi xeyrin şər üzərində qələbəsidir! "Zəfər günü" məktəbimizdə təntənəli şəkildə qeyd olunub, şagirdlərimiz qürur hissi ilə tədbirdə iştirak edib, "Zəfər günü"nə aid şeirlər, mahnılar səsləndiriblər.
