Şəhidlərlə qürur duyuruq!
17.02.2020-ci il məktəbdə şəhid Arif Vəliyevin anım günü keçirildi. Artiq 26 ildir ki, Arifin timsalında məktəblilər bütün şəhidlərin şəninə nəğmələr qoşur, şeirlər söyləyir, onların qəhrəmanlıqlarının unudulmayacağını dönə-dönə təkrar edirdilər.
Məktəbin akt zalında keçirilən tədbir iştirakçılarını məktəbin ingilis dili müəllimləri Ziyafət Vəliyeva və Ellada Əliyevanın rəhbərliyi ilə 6-cı və 9-cu sinif şagirdləri salamladılar. Arifin həyat yolunu, məktəb, tələbəlik illərini, müharibəni göz önündə canlandıran səhnələri izlədikcə şagirdlər vətənpərvərliyin ən ali məqamı şəhidlik olduğuna bird aha əmin olurdular.
Tədbirin sonunda məktəbin direktoru Sədaqət Hüseynova çıxış edərək bildirdi ki, bu 26 ildə birinci dəfədir ki, şəhidin anım günü şəhid anası Sona xanımsız qeyd olunur, bu gun həm də biz ruhu bizimlə olan, şagirdlərin mənəvi anası Sona xanımı da yad edirik, unutmamalıyıq ki, şəhidlərin ömür yolu nə qədər qısa olsa da, şərəfli və örnək sayılır.
