Ölümləri ilə ölümsüzlük öyrətdilər
20 Yanvar faciəsinin 30-cu ildönümü münasibətilə şagirdlərdə vətənpərvərlik hissinin gücləndirilməsi, şəhidlərin qanı bahasına əldə olunmuş milli azadlığın qorunub saxlanması üçün gənc nəslin yetişdirilməsi məqsədilə məktəbin foyesində anım tədbiri keçirildi. Şagirdlər şəhidlərə həsr olunmuş şeirləri,mahnıları həyəcanla ifa edir və göstərdikləri kompozisiyalarda o gecə ki hadisələri elə canlandırırdılar ki, sanki qocaya, gəncə, qadına, qıza, hətta körpələrə belə göstərilən amansızlıq göz önündə baş verirdi.
Şagirdlər hər bir cümlələrində inamla söyləyirdilər ki, Ulu öndərimiz Heydər Əliyevin bizə miras qoyduğu bu əvəzsiz sərvəti-müstəqil Azerbaycanı inkişaf etdirməli, onun daim çiçəklənməsi üçün yaxşı oxumalı, mükəmməl təhsil və tərbiyə almalıyıq.
