Xalqa bağışlanan ömür
12.12.2019-cu il ümummilli lider Heydər Əliyevin anım tədbiri keçirildi. Ulu öndərin əziz xatirəsi bir dəqiqəlik sükutla yad olundu. Müstəqilliyə gedən yolumuzu işıqlandıran, müasir Azərbaycan dövlətinin memarı və qurucusu Heydər Əliyevin Azərbaycan tarixində və beynəlxalq aləmdəki rolu və demokratik, hüquqi dövlət quruculuğu istiqamətində həyata keçirdiyi uğurlu siyasəti barədə ətraflı məlumat verildi. Dahi liderin diqqət və qayğısı sayəsində digər sahələr kimi, elm və təhsil sahəsində də böyük nailiyyətlərin əldə olunduğu, liderin siyasi xəttinin Prezident İlham Əliyev tərəfindən uğurla davam etdirildiyi, ulu öndərin anım gününün ümumxalq məhəbbətinin təzahürünə çevrildiyi və dahi şəxsiyyətin Azərbaycan xalqının qəlbində daim yaşayacağı vurğulandı.
Tədbirdə məktəblilər ulu öndərə həsr olunan şeirlər, mahnılar ifa etdilər, ədəbi-bədii kompozisiyalar nümayiş etdirdilər, Heydər Əliyevin müdrik kəlamlarından sitatlar səsləndirdilər.
Ümummilli lider Heydər Əliyevin anım günü ilə əlaqədar fotostend, sərgi təşkil olundu. Müəllim və şagird kollektivlərinin Heydər Əliyevin anım günü ilə bağlı Fəxri xiyabana ziyarətləri də təşkil olundu.
