Əlvida məktəb!
Məktəbimizdə 14.06.2017-ci il saat 10:00- da “Əlvida məktəb” adlı “Son zəng” ümumməktəb tədbiri keçirildi. Tədbirdə qonaq qismində Xətai Rayon İcra Hakimiyyətinin nümayəndəsi Rzayev Asəf Səlim oğlu və BŞTİ-nin nümayəndəsi Ləman Məmmədova iştirak edirdi. Tədbir Azərbaycan Respublikasının Dövlət Himninin səsləndirilməsi ilə başladı. Onbirincilər məktəb illərinin həyəcanlı xatirələri ilə həyətə toplaşdılar. Aparıcılar tədbir iştirakçılarını təbrik etdilər. Sonra söz məktəbin direktoru Q.Ş.Qaratova verildi. Məktəbin direktoru mərasimi açıq elan edərək, sevinc və həyəcan içində olan məzunlara gələcək həyatlarında uğurlar dilədi. Tədbirdə çıxış edənlər məzunlara bundan sonra qədəm qoyacaqları müstəqil həyatlarında müvəffəqiyyətlər arzuladı və onlara olan etimadı hər zaman doğrultmağı tövsiyə etdilər. Sonra bu il məktəbin qazandığı uğurlardan söhbət açdılar. Uğurlar qazanmış məktəb şagirdləri Fəxri fərmanla təltif edildilər. Yenidən söz məunlara verildi. Onların müəllimlərini və onların ana kimi əziyyətlərini çəkmiş sinif rəhbərlərini necə həyəcanla təbrik etdiklərinin bir daha şahidi olduq. Şagirdləri təbrik edən müəllimlər onlara hər zaman sevincli günlər arzuladılar. Təbriklər, həyəcanlı anlar bir-birini əvəz etdi. Sonda “Son zəng” çalındı, səmaya əlvan şarlar buraxıldı. Tədbir saat 13:00- a kimi davam etdi.
