Son zəng
Bu gün doğma vətənimizin bütün məktəbləri öz məzunlarını yola salır. Bu münasibətlə məktəbimizdə "Son zəng" tədbiri keçirildi. Tədbirdə Binəqədi Rayon İcra Hakimiyyətinin əməkdaşı Orxan Əliyev,Təlimə Dəstək Mərkəzinin əməkdaşı Nigar Bektaşi, müəllimlər və valideynlər iştirak etdilər.
Tədbiri giriş sözü ilə açan məktəbin direktoru A.Bayramova 2018-2019-cu tədris ilində görülən işlərdən və qazanılmış uğurlardan danışdı .İnkluziv təhsilə cəlb olunan 9-cu sinif məzunları – Cabirə, Cəsura ,Əzizə pedaqoji kollektivin səmimi təbrikləri yazılmış xatirə diplomunu təqdim etdi. Üzünü məzunlara tutaraq onlara yeni-yeni nailiyyətlər, gələcək həyat yollarında uğurlar, millətə, dövlətə layiqli vətəndaş olmağı arzuladı.
Tədbirdə iştirak edən rəsmi qonaqlar çıxışlarında təhsilə olan dövlət qayğısından, təhsilalanlara keyfiyyətli təhsil şəraiti yaradılmasından, təhsil sahəsində qazanılan uğurlardan danışdılar, məzunları, valideynləri və pedaqoji heyəti təbrik etdilər.
Tədbir şagirdlərimizin hazırladığı bədii kompozisiya ilə davam etdi. Şagirdlərin bir-birindən maraqlı rəqsləri,musiqi nömrələri,”Nəsimi” filmindən kompozisiya maraqla qarşılandı. Məzunlar doğma məktəbə, müəllimlərinə olan sevgi və hörmətlərini ürək sözləri ilə bildirdilər və maraqlı proqramlarla çıxış etdilər.
Tədbirin sonunda məzunlar sülh rəmzi olan göyərçinləri səmaya buraxaraq “Son zəng”in sədaları altında tədbiri yekunlaşdırdılar.
Gənclik həyatı ilə uşaqlıq həyatının astanasında dayanan məzunlarımız! Bu gün siz öz doğma məktəbiniz ilə, sizlərə ana qədər əziz olan müəllimləriniz ilə vidalaşdınız. Məktəb rəhbərliyi, həmçinin müəllimləriniz sizləri təbrik edir və gələcək həyatınızda yeni-yeni uğurlar arzulayır! Yolunuz açıq olsun!
