Tarixdə yeni bir mərhələ yarandı
14.03.2016-cı il tarixdə məktəbimizin tarix müəllimi A.Rzayeva VII-IX sinif şagirdləri ilə ”H.Əliyev Fondunun Prezidenti,millət vəkili,UNESKO və İSESKO-nun xoşməramlı səfiri Mehriban Əliyevanın Azərbaycanın milli-mədəni irsinin,ədəbiyyat və incəsənətinin beynəlxalq səviyyədə təbliğ olunmasında müstəsna rolu” mövzusunda seminar keçirdi.Şagirdlər M.Əliyevanın milli-mənəvi irsimizin,ədəbiyyat və incəsənətimizin təbliğində xidmətləri haqqında məruzələr etdilər. Çıxışlarda qədim və zəngin tariximizin hər bir səhifəsində Azərbaycan qadınının müdrikliyi və qəhrəmanlığının parlaq nümunələri vurğulandı.Məhz Mehriban xanım Əliyevanın öz fəaliyyəti ilə Azərbaycanda qadın hərəkatını canlandıraraq tarixdə yeni bir mərhələ açdığı söylənildi.
