Birincilərin oxu bacarığı
Orta məktəbdə oxu bacarığı Azərbaycan dilinin əsas məzmun xətlərindən biridir. Şagirdlərə nitq bacarıqlarına yiyələnməyin texnologiyasını öyrədən bu fənn bütün fənlər arasında körpü rolunu oynayır. Çünki dinləmə, danışma, oxu və yazı bacarıqları yüksək olan şagird istənilən digər fənlərdən də uğur qazanır. Sürətlə və anlayaraq oxuyan şagirdin intellekti də sürətlə inkişaf edir. Məhz bunu nəzərə alaraq 1-ci sinif şagirdlərinin oxu texnikasının inkişafı bacarığı (sürətli, ifadəli oxu) üzrə monitorinq aparıldı. Monitorinq zamanı şagirdlər düzgün, sürətli və ifadəli oxu vərdişləri nümayiş etdirərək sinif müəllimlərinin təlim prosesindəki nəticəli əməyini bir daha sübut etdilər.
