Lisey sinfində monitorinq keçirildi
246 №li məktəb-lisey Bakı Şəhəri İcra Hakimiyyəti başçısının 1998-ci il tarixli müvafiq sərəncamı, Bakı Şəhəri üzrə Təhsil İdarəsinin və Azərbaycan Respublikası Təhsil Nazirliyinin 1998-ci il tarixli müvafiq əmri ilə məktəb-lisey adlandırılmışdır. Humanitar təmayüllü lisey siniflərinə qəbul BŞTİ tərəfindən aparılır. VI sinfi bitirən şagirdlər müsabiqədən keçərək lisey sinfinə qəbul olunurlar.
VII lisey sinfində şagirdlərin bilik, bacarıq vərdişlərə yiyələnmə səviyyəsinin, həmçinin orda dərs deyən müəllimlərin pedaqoji səriştəlik və peşəkarlıq səviyyəsinin öyrənilməsi məqsədi ilə monitorinq keçirildi. Monitorinq Azərbaycan dili, riyaziyyat və ingilis dili fənnləri üzrə aparıldı. Şagirdlər açıq tipli suallar əsasında tərtib olunmuş sualları cavablandırdılar. Fənn müəllimlərinin və məktəb rəhbərliyinin iştirakı ilə keçirilən imtahanda şagirdlər biliklərini nümayiş etdirdilər.