V sinif şagirdləri F.Köçərli adına Respublika Uşaq Kitabxanasında
Şagirdlərin asudə vaxtının səmərəli təşkili və mütaliəyə marağının artırılması məqsədilə V sinif şagirdləri sinif rəhbərləri və məktəb kitabxanaçılarının təşkilatçılığı ilə F.Köçərli adına Respublika Uşaq Kitabxanasında oldular. Kitabxananın əməkdaşı uşaqları kitabxana ilə tanış etdi, kitabxanada təşkil olunmuş kitab sərgiləri, elektron kitabxana ilə bağlı məlumat verdi. Şagirdlər kitabxananın bütün şöbələrində oldular, kitabların kitabxana qaydası ilə işlənməsi, oxuculara verilməsi işi ilə bağlı informasiya əldə etdilər. Əməkdaşlar, kitabxana ilə bağlı uşaqlara maraqlı olan bütün sualları cavablandırdı. Uşaqlar kitabxanadan xoş təəsüratla ayrıldılar.