Məktəb liseydə Mülki Müdafiə Günü
1 Mart Ümumdünya Mülki Müdafiə Günü münasibəti ilə məktəb liseydə bir sıra maarifləndirici tədbirlər həyata keçirildi. Tədbirlərdə Fövqəladə Hallar Nazirliyinin Bakı Regional Mərkəzinin Mülki Müdafiə İdarəsinin əməkdaşı Mirramin Yunusov da iştirak etdi.
İlk öncə məktəb liseyin foyesində mülki müdafiə gününə həsr olunan sərgiyə baxış keçirildi. Sonra Hərbi müəllim R.Şamidov "Beynəlxalq Mülki Müdafiə Təşkilatı və 1 mart -Mülki Müdafiə Günü" nün yaranma tarixi və məqsədi haqqında, mülki müdafiə, fərdi mühafizə vasitələri, yanğın, partlayış, zəhərlənmə təhlükəsindən necə mühafizə olunmalı, dəm qazından zəhərlənmənin profilaktikası haqqında ətraflı məlumatlar verdi. Şagirdlər hazırladıqları şərti xilasetmə səhnələrini nümayiş etdirdilər. Tibb manqasının yaralıya yardım göstərməsi, yanğın zamanı yanğının söndürülməsi, dərs gedişində baş verən zəlzələ zamanı təhlükəli zonadan təxliyyə olunması, əleyhqaz və s. vasitələrdən istifadə qaydaları təqdim olundu.
2,5,6-cı siniflərdə isə Mülki Müdafiə üzrə açıq dərslər keçirildi.
Yekun olaraq GCQH otağında mövzu ilə bağlı maarifləndirici sənədli film nümayiş olundu.
