İngilis dili fənni üzrə dərsdinləmələr
Məktəbin fəaliyyət planına müvafiq olaraq noyabr ayında ingilis dilinin tədrisi vəziyyətinin öyrənilməsi nəzərdə tutulmuşdur. Aylıq ərzində demək olar ki, bütün fənn müəllimlərinin dərsləri dinlənildi. Məktəb rəhbərliyinin və fənn müəllimlərinin iştirakı ilə keçirilən dərslərdə məzmun standartlarının düzgün seçilməsi, forma və üsulların məqsədə müvafiqliyi, maraqlı və keyfiyyətli resurslardan istifadə şagirdlərdə fəallıq yaratdı. Fənn müəlliminin mövzu ilə bağlı seçdiyi maraqlı motivasiya şagirdlərdə idrak fəallığının yaranmasında başlıca addım oldu. Dərsin yaradıcı və tətbiqetmə mərhələsində şagirdlərin rollu oyunları maraqla qarşılandı. Dərslərin sonunda məktəb rəhbərliyi və fənn müəllimlərinin iştirakı ilə müzakirələr aparıldı. Müvafiq metodiki tövsiyələr verildi.
