Məktəbəqədər hazırlıq qruplarında məşğələlər
Məktəbəqədər hazırlıq qruplarında məşğələləri aparan sinif müəllimləri uşaqlarda oxumaq həvəsinin, onların məktəbə müsbət emosional münasibətinin inkişaf etdirilməsi və möhkəmləndirilməsi, uşaqların məktəbə müvəffəqiyyətlə adaptasiya olunması üçün səylə çalışırlar. Məşğələlər izlənilərkən kiçikyaşlı uşaqlar fərdi və kollektiv iş forması şəklində böyük həvəslə öz bacarıqlarını nümayiş etdirdilər, əşyalar, rəqəmlər və işarələrlə sadə riyazi əməliyyatlar apardılar. Ünsiyyətin, özünüqiymətləndirmənin formalaşması, intellektual hazırlıq, obrazlı təfəkkürün, təxəyyülün, yaradıcılığın, məntiqi təfəkkürün inkişafı da müəllimlər tərəfindən önə çəkildiyindən artıq balacalar müqayisə etmək, ümumiləşdirmək, qruplaşdırmaq, əlamətlərinə görə ayırmaq, nəticə çıxarmaq, bacarmaq kimi xüsusiyyətlərə yiyələnməkdədirlər.
