Məzunlara attestatlar təqdim olundu
Ümumi təhsil pilləsində təhsil haqqında dövlət sənədlərinin nümunələri və onların verilməsi qaydasının 5.1-ci bəndinə müvafiq olaraq iyulun 10-da məzunlara təntənəli surətdə tam orta təhsil haqqında attestatlar təqdim olundu. Təqdimolunma mərasimində məktəb rəhbərliyi ilə yanaşı, sinif rəhbərləri, fənn müəllimləri də iştirak etdilər.
Məktəbin direktoru A.Bayramova üzünü müstəqil həyat yoluna qədəm qoyan məzunlara tutaraq qarşılarına qoyduqları hədəflərə çatmaq üçün səylə çalışmalarını, harda olmalarından asılı olmayaraq vətəni ləyaqətlə təmsil etmələrini tövsiyə etdi, gələcək həyatlarında uğurlar arzuladı.
Görüşün sonunda xatirə şəkli çəkildi.
