Valideynlərlə görüş
07 İyunda IX sinif şagirdlərin valideynləri ilə məktəb rəhbərliyinin görüşü keçirildi. Məktəbin direktoru A.Bayramova valideynlərə təmayülləşmə ilə bağlı məlumat verərək onların arzu və istəklərinin övladlarının bilik səviyyələrinə uyğun olmalarını tövsiyə etdi. Qarşıdan gələn buraxılış imtahanında daha uğurlu nəticə əldə etmək üçün məktəb-valideyn əməkdaşlığının əhəmiyyətli olduğunu söylədi.
İclasda çıxış edən Təşkilati işlər üzrə müavin F.Əliyeva ümumi təhsil kursu üzrə təhsilini başa vurmuş və təhsillərini peşəyönümü istiqamətində davam etdirmək istəyən şagirdlərin valideynlərinə peşə liseyləri ilə bağlı ətraflı məlumat verdi.
Sonda valideynləri maraqlandıran suallar cavablandırıldı.
