“Cümhuriyyət-100”
Azərbaycan Xalq Cümhuriyyətinin qurulmasının 100 illik yubileyi 1d sinfində musiqi dərsində təntənəli qeyd olundu. Dərsdə istifadə olunan bir-birindən maraqlı krossvordlar, məntiqi tapşırıqlar şagirdlərin dövlət rəmzlərimizlə bağlı biliklərini daha da təkmilləşdirdi. Bütün bunları qrup işlərində ümumiləşdirən şagirdlərimiz maraqlı təqdimat etdilər. 1918-ci ildə təsis olunmuş üçrəngli bayrağımızın dövrün tələblərinə uyğun dəyişilməsini şagirdlər slaydlarda izlədilər.
Sonda şagirdlər “Üçrəngli bayraq” mahnısının sədaları altında parçaları birləşdirərək Azərbaycan bayrağı təsvirini yaratdılar.