Məktəbəqədər hazırlıq qruplarında idman məşğələləri
Fiziki tərbiyə uşaqların fizioloji və psixoloji sağlamlığında mühüm rol oynayır. Şagirdlərin sağlamlığının möhkəmləndirilməsi və fiziki inkişafının təmini əsasən fiziki tərbiyə dərslərində həyata keçirilir. Məktəbəqədər hazırlıq qruplarında da idman məşğələləri balacalarda ruh yüksəkliyi yaradır və onların zehni fəaliyyətini artırır. Növbəti idman məşğələlərində şagirdlər ritmik musiqinin sədaları altında çox həvəslə uzununa tullanma, müxtəlif məsafələrə qaçış və bir çox idman hərəkətlərini çevikliklə icra etdilər.
İnanırıq ki, balaca fidanlarımızda idmana yaradılan bu həvəs onların asudə vaxtlarının səmərəli və faydalı keçməsinə imkan yaradacaqdır.