Düşündürən gülüş
“Oxu həftəsi” çərçivəsində Azərbaycan dili və ədəbiyyat müəllimi M.Məmmədova və S.Əlizadənin təşkilatçılığı ilə şagirdlər Mir Cəlal yaradıcılığından "Dərsimi yaz" adlı kiçik səhnəciklə izləyənlərə xoş anlar bəxş etdilər. Səhnəcik 9 bacıdan sonra dünyaya gəlmiş, ərköyün böyümüş, tənbəl Tofiqin sərgüzəştlərindən bəhs edirdi. Komik səhnələrlə auditoriyanı güldürməyi bacaran kiçik "aktyor" və "aktrisalarımız" tamaşaçılarda xoş əhval-ruhiyyə yaratdılar.
Tamaşada qonaq qismində iştirak edən BŞTİ-nin İnkişaf layihələri sektorunun aparıcı məsləhətçisi Namiq Ağayev çıxış edərək kitabın həyatımızdakı mühüm rolundan danışdı, məktəb rəhbərliyinə, təşkilatçılara öz təşəkkürünü bildirdi.
