Metodbirləşmə işinin təkmilləşdirilməsi
“Təhsildə keyfiyyət ili” çərçivəsində nəzərdə tutulan hədəflərin məqsədyönlü istiqamətdə həyata keçirilməsi vəziyyətinin öyrənilməsi məqsədilə Təlimə Dəstək Mərkəzinin əməkdaşları metodbirləşmə rəhbərlərinin işi ilə tanış oldu. Metodbirləşməyə aid sənədlər toplusu yoxlanıldı.
Sonra mərkəzin əməkdaşları, məktəb rəhbərliyi və metodbirləşmə rəhbərlərinin iştirakı ilə iclas keçirildi. İclasda il ərzində görülən işlər müzakirə olundu, metodbirləşmə işinin təşkili haqqında məlumat verildi. Əməkdaşlar öz tövsiyə və tapşırıqlarını metodbirləşmə rəhbərlərinə çatdırdılar. Metodbirləşmə işinin təkmilləşdirilməsi istiqamətində məruzələr və çıxışlar dinlənilərək müvafiq qərarlar qəbul edildi.