Xocalı soyqırımı - XX əsrin faciəsi
28 Fevral 2018-ci il tarixdə ingilis dili danışıq klubunun üzvləri “Xocalı soyqırımı - XX əsrin faciəsi” mövzusunda "Dəyirmi masa" təşkil etdilər. Şagirdlər ingilis dilində Xocalının tarixi, coğrafi mövqeyi, faciədən əvvəl əhalinin sayı və tərkibi, iqtisadi göstəriciləri, təhsil, səhiyyə, mədəniyyət ocaqları, tarixi-mədəni abidələri, görkəmli şəxsiyyətləri haqqında danışdılar. Eyni zamanda, faciə nəticəsində öldürülən, ağır yaralanan, itkin düşən, girov götürülən sakinlərin statistikasını və soyqırımı törədənləri söylədilər. Sonda Vətənə, doğma torpağa olan sədaqət və məhəbbət duyğularını ingilis dilində söylədikləri şeirlərlə, hazırladıqları bukletlərlə nümayiş etdirdilər.
