Payız tətilindən şagirdlərimiz xoş təəssüratlarla qayıtdılar
Məktəblilərin asudə vaxtlarının səmərəli təşkili ilə bağlı ekskursiyalar ümumtəhsil məktəblərində tədris olunan fənlərin qarşılıqlı inteqrasiyasına gətirib çıxardır, təlimin keyfiyyətinin yüksəldilməsində, şagirdlərin potensial imkanlarının üzə çıxarılmasında, məktəblilərin milli-mənəvi dəyərlərimizə hörmət və vətənpərvərlik ruhunda tərbiyəsində mühüm əhəmiyyət kəsb edir. Məktəbimiz payız tətili günlərində yuxarıda qeyd edilənləri əsas götürərək məktəblilərlə paytaxtımızın bir çox tarixi yerlərinə ekskursiyalar, həmçinin Azərbaycan Dövlət Dram və Gənc Tamaşaçılar Teatrında tamaşalara kütləvi baxışlar təşkil etdi. Şəhərimizin bir sıra görməli yerlərinə təşkil edilən bu ekskursiyalar şagirdlər üçün çox yadda qalan oldu.
