Narkomaniyaya yox deyək!
Yeniyetmələr arasında narkomaniya və alkoqolizm meyllərinin, hüquq pozuntularının və cinayətkarlıq hallarının qarşısının alınması istiqamətində məktəbin fəaliyyət planına əsasən növbəti maarifləndirici tədbir keçirildi. Binəqədi Rayon Polis İdarəsinin rəisi və polis əməkdaşlarının iştirak etdiyi tədbirdə narkomaniyanın törətdiyi fəsadlara toxunuldu, onun insan həyatı üçün necə təhlükə mənbəyi olduğu iştirakçıların diqqətinə çatdırıldı. Binəqədi Rayon Polis İdarəsinin rəisi Namiq İsmayılov çıxışında narkotikin insan orqanizminə, sağlamlığına, mənəviyyatına vurduğu zərərlərdən, narkomaniyaya qarşı mübarizə sahəsində görülən işlərdən, həyata keçirilən profilaktik tədbirlərdən danışdı, bu dəhşətli bəlanın yayılmasının qarşısının alınması üçün hamılıqla mübarizə aparılmasının vacibliyini önə çəkdi. Narkomaniyanın fəsadlarını, onun insan həyatını məhvə aparan bəla olduğu fotoslaydlarla izlənildi.
