Ətrafı zibilləməyək, tullantılardan yararlanaq
“Ekoloji aylıqlar” layihəsi çərçivəsində 2-ci sinifdə Həyat bilgisi dərsində“ Ekologiyamızı qoruyaq” mövzusu keçirildi. Hazırlanmış slaydlarda şagirdlərə ətraf mühitin qorunması, təbiətdən, yeraltı sulardan, mineral xammal ehtiyatlarından və yerüstü sərvətlərdən səmərəli istifadə edilməsi, yaşıllıqların artırılması, zibilliklərin ekologiyamıza vurduğu zərərdən danışıldı. Tullantıların yenidən emal olunmasının ekologiyamıza böyük faydaları şagirdlərin maraqlarına səbəb oldu.” Təbiəti sevənlər” klubunun üzvlərinin sinif otaqlarına qoyduğu qutulara şagirdlər tullantıları toplamaqla bir daha ana təbiətimizə sevgilərini bildirdilər.
