Təmiz insan, təmiz məktəb, təmiz təbiət
İnsanlarda təbiətə maraq, qayğı və məhəbbət oyatmaq, onun sərvətlərindən düzgün istifadə etməyi öyrətmək məqsədi ilə məktəbimizdə ”Təbiəti sevənlər” dərnəyi yaradılıb. Dərnək üzvləri məktəbin foyesinə, sinif otaqlarına “Təmiz insan, təmiz məktəb, təmiz təbiət” devizi altında istifadə olunmuş materialların-çörək qırıntıları, kağız tullantıları və plastik qabların yığılaraq yenidən emal olunması üçün boş qutular qoydular. Məktəbyanı sahədə təmizlik işləri apardılar. Gənc təbiəti sevənlər informatika dərslərində hazırladıqları “Bir olaq, ətraf mühiti qoruyaq” bukletləri məktəbli dostlarına paylayaraq öz çağrışlarını etdilər.
