“Şifahi xalq ədəbiyyatı uşaqların dili ilə” ədəbi- bədii kompozisiya
27.04.2015-ci il tarixdə məktəbimizin 6d sinfində “Şifahi xalq ədəbiyyatı uşaqların dili ilə” ədəbi- bədii kompozisiya keçirildi. Sinif otağı milli resuslarla - qədim qablar, xalçalar, müxtəlif məişət əşyaları ilə bəzənmişdir. Məqsədimiz şagirdlərə şifahi xalq ədəbiyyatına aid məlumatları, tarixi keçmişimizi, qəhrəmanlıq salnaməsi olan dastanlarımızdan ibrətamiz fikirlərlə dolu atalar sözlərini, dilin fonetik quruluşunun inkişafında yanıltmacları, zehni qabliyyəti inkişaf etdirən tapmacaları çatdırmaq idi. Şagirdlərimiz keçmişimizi bu günümüzlə bağlayan bir körpü yaratdılar. Qəhrəmanlıq dastanı olan "Koroğlu"nu bu günün "Mübariz"ilə, məhəbbət dastanı "Leyli və Məcnun"u isə "İlham və Fərizə"ilə müqayisə etdilər.
