"Başı dumanlı ,yaşıl köynəkli məğrur Şuşa" adlı tədbir keçirildi
Azərbaycan Respublikası Prezidenti İ.Əliyevin sərəncamına əsasən 2022-ci il Azərbaycan Respublikasında “Şuşa ili”elan edilmişdir.Sərəncama əsasən məktəb-liseydə silsilə tədbirlər keçirilir
Noyabrın 3-də “Başı dumanlı ,yaşıl köynəkli məğrur Şuşa” adlı tədbir keçirildi. Tədbirdə Şuşanın yaranma tarixindən,270 il müddətində keçdiyi zəngin inkişaf yolundan,qanlı-qadalı,eləcə də şərəfli tarixindən bəhs olundu.Bununla yanaşı ,sehirli havası,suyu,təbiətindən vəcdə gəlib bəşər aləminə qiymətsiz töhvələr bəxş edən sənətkarlardan videogörüntülərlə söhbət açılmış,əsərləri şagirdlərin ifasında dinlənilmişdir
11b sinif şagirdlərinin ifasında S.Vurğunun “Vaqif” pyesi , İ.Əfəndiyevin “Xurşudbanu Natəvan” pyesi,5c sinif şagirdlərinin ifasında “Şuşanın işğaldan azad olunması” səhnələşdirildi
Tədbirdə həmçinin Ümummilli lider H.Əliyevin 70-ci illərdə,onun layiqli davamçısı İ.Əliyevin işğaldan sonra Şuşada apardıqları quruculuq işlərindən bəhs olundu
Sonda məktəb-liseyin direktoru E.Həşimov tədbirin təşkilatçılarına təşəkkür etdi,bir daha Şuşa sevincini bizə yaşadan müzəffər Ali Baş Komandanımız İ.Əliyevin və qəhrəman əsgərlərimizin şücaətindən bəhs etdi.