Təbiəti qoruyan ikincilər
Sağlam təhsil sinfinin şagirdləri Binəqədi rayonunda yerləşən Nəbatət bağına ekskursiya etdilər. İbtidai sinif müəllimi Reyhan Qaryeva “Təbiəti qoruyaq və sudan qənaətlə istifadə edək! ” mövzusunda şagirdlərə ətraflı məlumat verdi. Söylədi ki,Azərbaycanda şirin su ehtiyatlarının azlığı, son illərdə müşahidə olunan qlobal iqlim dəyişikliyi və orta temperaturun yüksəlməsi, çaylarda sululuğun və yağıntıların xeyli azalması, digər tərəfdən, əhalinin sürətli artımı, həyat standartlarının yüksəlməsi, ölkə iqtisadiyyatının, o cümlədən kənd təsərrüfatının inkişafı, əkin sahələrinin, suvarma və içməli su təchizatı şəbəkələrinin genişləndirilməsi nəticəsində suya tələbatın artması respublikamızda su ehtiyatlarından səmərəli istifadəni zərurətə çevirib. Çirkab suların təmizlənməsində istifadə olunan mexaniki, kimyəvi, fiziki-kimyəvi və biokimyəvi üsullar haqqında məlumat şagirdlərin marağına səbəb oldu.
Mövzu maraqlı diskussiyalarla davam etdi, şagirdlərin sualları ətraflı cavablandırıldı.