Gəlin birgə oxuyaq!
İnkluziv təhsilin tətbiq olunduğu 1c sinfində “Gəlin birgə oxuyaq!” devizi altında “Oxu günü” keçirildi. Sinif müəllimi Arzu Babayevanın təşkilatcılığı ilə hazırlananan ədəbi bədii kompozisiyada şagirdlər vətənpərvəlik ruhunda mahnılar,nağıllardan səhnəciklər və şeirlər səsləndirdilər.Şagirdlər Azərbaycan xalq nağılı əsasında hazırladıqları səhnəcikdə jest və mimikaları, səs tonu çalarları ilə əsərin ideyanı daha dolğun çatdırdılar.
Balaca fidanlar təqdimatlarında izləyiciləri öz sehrlərinə aldılar,ifalarında bir-birini çox yaxşı başa düşdüklərini nümayiş etdirdilər. Özlərinəməxsus maraqlı, sakit və bir o qədər də saf, təmiz ürəkli uşaqlar artıq cəmiyyətdə addımlarını rahat atırlar, sərbəst şəkildə ünsiyyət qururlar, yoldaşlıq edirlər,birlikdə oxuyurlar!