Birincilərin ilk sərgisi
Məktəbimizin birinciləri “Qızıl payız” adlı ilk sərgilərini nümayiş etdirdilər. Birincilər texnologiya dərsində fərdi fantaziyalarına, bacarıqlarına uyğun olaraq qurumuş güllərdən, palıd qozalarından, payız yarpaqlarından hazırladıqları müxtəlif eksponatları və nağıl qəhrəmanlarını məktəbin foyesində sərgilədilər. Payızın bütün rəng çalarlarını rəsmlərində əks etdirən birincilər sərgidə öz rəsmlərini də nümayiş etdirdilər. Bu işdə birincilərə ən böyük dəstək müəllimlərindən və valideyinlərindən oldu. Sərgidə övladlarının uğurlarından məmnunluq duyan valideyinlərin sevinci, birincilərin isə üzlərindən oxunan şirin həyəcan və xoş duyğular daha da yadda qalan oldu.
