Bayram tədbirində şagirdlərimiz birliklərini nümayiş etdirdilər
İnkluziv təhsilin tətbiq olunduğu 1c sinf şagirdləri “Elimizə bahar gəlir!” adlı bayram şənliyi keçirdilər. Sinif otağında Novruz bayramının atributlarını özündə əks etdirən dekorasiya qurulmuşdu. Sinif müəllimi Arzu Babayeva Novruz bayramının tarixi, su, od, yel və torpaq çərşənbələrinin mahiyyəti, Novruz atributları haqqında şagirdlərə geniş məlumat verdi.
Sonra milli geyimli şagirdlər Novruzun sevimli personajları olan Bahar qızı, Kosa və Keçəlin əhatəsində
bayramın bütün adət -ənənələrini səhnəciklərdə, söylədikləri şeirlərdə, deyimlərdə nümayiş etdirdilər,onlarla birlikdə şənləndilər.
Roza və Fəxrinin çıxışı tədbirə xüsusi rəng qatdı.Rəqslərə qoşulan, mahnılar ifa edən, maraqlı səhnəciklərdə rol alan Roza və Fəxrinin sevinci hədsiz idi. Bayram şənliyində “Məşədi İbad” rolunu canlandıran Fəxrin uşaqların sevincinə, üzlərindəki təbəssümə daha da xoş əhval-ruhiyyə qatdı.
Sonda yallı rəqsini ifa edən şagirdlərimiz bir daha birliklərini nümayiş etdirdilər.
