“Ekologiya və sağlamlıq” mövzusunda dəyirmi masa
“Bahar çələngi” tədbirlər planına əsasən biologiya fənn müəllimi Gültəkin Bağırovanın təşkilatçılığı ilə “Ekologiya və sağlamlıq” mövzusunda dəyirmi masa keçirildi. “Dəyirmi masa”da iştirak edən 7f sinif şagirdləri təqdimatlarında açıq və qapalı yerlərdə çirklənmiş havanın, suyun, qeyri-adekvat sanitar qaydalarının, qeyri-sabit iqlim şəraitinin, infeksion xəstəliklərin baş verməsinin yeni modellərinin, ultrabənövşəyi şüalanma və eko-sistemlərin dəyişməsilə xəstəliklərin yaranmasının insan sağlamlığı üçün mühüm ekoloji risk amilləri olduğunu diqqətə çatdırdılar. Orqanizmə mənfi təsir göstərən amillərlə mübarizə istiqamətində üzərlərinə düşən hədəf və vəzifələri sadaladılar.
