Vətəni qorumaq peşəsi ən şərəfli peşədir!
Martın 3-də şagirdlərin hərbi peşəyə marağını artırmaq məqsədilə IV sinifdə təhsil alan oğlanlarla görüş keçirildi.
Hərbi rəhbər R.Şamidov hərbi peşənin müqəddəsliyindən,şərəf və məsuliyyətindən danışdı.Söylədi ki: “Seçdiyim peşədən hər zaman qürur duymuşam. Çünki bizlər Vətənin qoruyucularıyıq. Müqəddəs vəzifə yerinə yetiririk. Xalqımız rahat-firavan yaşasın deyə düşmənə sipər oluruq. Xalqın güvəncindən, Vətən sevgisindən ilham alırıq. Bax, bu hiss ən şərəfli və qürurlu hissdir”
Sonra şagirdlərə Dövlət Sərhəd Xidmətinin xüsusi məktəbinin V sinfinə qəbul imtahanı barədə ətraflı məlumat verildi. Məktəbin məişət şəraitindən, təhsilindən, şagirdlərin sosial təminatlarının yüksək olmasından danışıldı. Məktəb haqqında videoçarx nümayiş etdirildi.
Görüşdə iştirak edən məktəb liseyin direktoru Nəbi Mahmudov cıxışında söylədi ki,hər kəs öz seçdiyi peşəsi ilə Vətənə xidmət edir. Lakin bütün peşələrin fövqündə dayanan bir peşə var ki, bu, Vətəni qorumaq peşəsidir. Ordumuzun memarı və qurucusu ulu öndər Heydər Əliyevin dediyi kimi: “Müstəqil Azərbaycanda hər peşə şərəflidir, ancaq Vətəni qorumaq peşəsi ən şərəfli peşədir”.
Sonra bir qrup şagird GCQH kabinetində oldular. Hərbi avadanlıqları əyani gördülər.
Şagirdlərin sualları ətraflı cavablandırıldı.
