Birincilər,bir incilər
Şagirdlərin intelektini öyrənmək, idrak səviyyəsini müəyyənləşdirmək məqsədilə praktik psixoloq S.İsmayılova tərəfindən birincilərlə “Raven ” testi , məktəbə yenicə qədəm qoyan şagirdin məktəbə olan marağını ,motivasiyasını öyrənmək üçün isə “Məktəbdə mənim nədən xoşum gəlir?” mövzusunda rəsm işi işlənildi.Şagirdlər böyük həvəslə verilən tapşırıqları yerinə yetirdilər . Sonra yeni mühitin şagirdlərdə yaratdığı həyəcanı aradan qaldırmaq,özünü qiymətləndirməni yüksəltmək məqsədi ilə relaksasiya oyunları keçirildi. “Dovşanlar və fillər” və “ Gəmi və külək” kollektiv oyunlarında şagirlərin yoldaşları ilə ünsiyyəti onlarda xoş təəssürat yaratdı .Oyun bitdikdən sonra uşaqlarla birgə müzakirələr aparıldı. Raven testi və məktəb motivasiyasının qiymətləndirilməsi praktik psixoloq və sinif müəllimı ilə birgə müzakirə olundu, inkişafetdirici meyarlar müəyyənləşdirildi
