Kiçik Akademiyanın konfransı keçirildi
29.12.2021-ci il tarixində 246 № li məktəb-liseydə “Kiçik Akademiya”nın 2020-2021 ilin yekununa həsr olunmuş konfrans keçirildi.Konfransda məktəbin direktoru, tərbiyə işləri üzrə direktor müavini, KA-nın rəhbəri, KA-nın tərkibindəki bölmələrin rəhbərləri, məsləhətçi müəllimlər, KA-nın üzvləri iştirak edirdi.
KA-nın rəhbəri Şücaət Qaffarova görülən işlər haqqında məlumat verərək bildirdi ki, elmi-tədqiqat fəaliyyətinə meyilli olan istedadlı şagirdləri vaxtında aşkara çıxarmaq, mövcud yaradıcılıq potensiallarını nəzərə almaqla istiqamətləndirmək yolunda növbəti yarımildə də bütün məktəb səviyyəsində fəaliyyətlərimizi daha da artıracağıq. Daha sonra şagirdlərin humanitar, təbiət, fizika-riyaziyyat, texniki, sosial-iqtisadi bölmələr üzrə elmi-layihələri təqdim olundu. Təqdimatdan sonra bölmə rəhbərləri təqdim olunan layihələrə öz münasibətlərini bildirdilər. Konfransın sonunda çıxış edən məktəbin direktoru Nəbi Mahmudov şagirdlərin fəaliyyətini yüksək qiymətləndirərək onlara elmi-layihələrini davam etdirmələri yolunda uğurlar arzulayaraq bəzi tövsiyələr verdi.
