1 Dekabr- Ümumdünya QİÇS-lə Mübarizə Günüdür
Dekabrın 1-də Biologiya müəllimi T.Məmmədovanın təşkilatçılığı ilə VIII və IX sinif şagirdlərinin iştirakı ilə “Zərərli vərdişlər, insan sağlamlığına vurduğu zərərlər və qorunma yolları” mövzusunda tədbir keçirildi .
Tədbirin təşkilatçısı T.Məmmədova Ümumdünya QİÇS-lə Mübarizə Gününün yaranma tarixi haqqında ətraflı məlumat verdi,bildirdi ki, 1988-ci ildən başlayaraq hər il dekabrın 1-də Ümumdünya QİÇS-lə Mübarizə Günü kimi qeyd edilir. Həmin tarix dünya ictimaiyyətinin diqqətini qlobal miqyas almış İİV-infeksiyasına qarşı mübarizəyə cəlb etmək məqsədilə təsis olunub.
Sonra şagirdlər təqdimatlarında zərərli vərdişlərin sağlamlığa vurduğu zərərlərdən danışdılar ,bir sıra xəstəliklərə, o cümlədən əsrin bəlası olan QİÇS-ə yol açdığını vurğuladılar. Alkoqol və narkotiklərdən istifadə etməmək, siqaret çəkməmək, düzgün qidalanmaq, yəni düşünülmüş şəkildə sağlamlığın əsl harmoniyasına nail olmağın gərəkliyi şagirdlərin hazırladığı slaydlarla nümayiş olundu.
Tədbirdə QİÇS-in ağır fəsadlarından bəhs edən videoçarx şagirdlərə təqdim olundu, onları maraqlandıran suallar cavablandırıldı, mövzu ilə bağlı müvafiq tövsiyələr verildi.