“İbtidai təhsil səviyyəsi üzrə inklüziv təhsilin tətbiqi” layihəsi
İnklüziv təhsil uşaqların fiziki, psixi, intellektual və digər xüsusiyyətlərindən asılı olmayaraq öz həmyaşıdları ilə eyni məktəbdə, eyni sinifdə təhsilə cəlb edilməsidir. “İbtidai təhsil səviyyəsi üzrə inklüziv təhsilin tətbiqi” layihəsi çərçivəsində məktəbdə bir inklüziv sinif açılıb. Xüsusi qayğıya ehtiyacı olan uşaqların keyfiyyətli təhsil alması üçün bərabər imkanların yaradılması məqsədi tətbiq olunan layihədə 2 nəfər sağlamlıq imkanları məhdud şəxs təhsilə cəlb olunub.Roza və Fəxrin digər həmyaşıdları ilə birlikdə təlim prosesində fəal iştirak edir, sinif yoldaşlarına qarşı anlaşma və hörmət hislərini nümayiş etdirməklə başqalarına hörmət və özünəhörmət anlayışlarını dərk edirlər. Şagirdlərimizin bacarıq və istedadlarının aşkar olunması və inkişaf etdirilməsi üçün psixoloji və pedaqoji texnikalar əsasında əlverişli mühit yaradılib. Birincilərimizin məktəbə adaptasiyasında sinif yoldaşları ilə dostluq və ünsiyyət öndə durur.