"İnternetin faydaları və zərərləri"
Əsrimizin ən böyük kəşfi olan internetin faydalarını və zərərlərini 8a və 8d sinif şagirdləri hazırladıqları təqdimatlarda nümayış etdirdilər.
İnternetin faydalarını təqdim edən 8d sinif şagirdləri bildirdilər ki, bu gün dünyamızı İKT-siz təsəvvür etmək mümkün deyil. İnternetdən düzgün və məqsədyönlü istifadə dünyagörüşümüzü, biliklərimizi artırır, məntiqimizi, təfəkkürümüzü inkişaf etdirir.
İnternetin zərərlərini təqdim edən 8a sinif şagirdləri isə bildirdilər ki, bu gün həyatımız İKT-siz mümkün görünməsə də,insanlara psixoloji və fiziki zərərləri coxdur. Aparılan araşdırmalara görə internetdən asılılıq insanların psixologiyası və davranışında mənfi təsirlər yaradır.
Sonra şagirdlərin diqqətinə yeniyetməlik yaş dövrünün xüsusiyyətləri çatdırıldı. Söylənildi ki,bu yaş dövründə sosial şəbəkələrdən kortəbii şəkildə istifadə böyük təhlükə və fəsadlara yol açır, narkomaniya,insan alveri istiqamətində müəyyən cinayətkar qruplar məhz internet vasitəsi ilə uşaqları öz qurbanlarına çevirir, bataqlıq kimi özlərinə cəlb edərək həyatlarına çox ciddi təsirlər edirlər.
Sonda ümumi nəticəyə gəlindi ki, internetsiz həyatı təsəvvür etmək mümkün deyil. İKT-dən ancaq biliklərin təkmilləşdirilməsi üçün düzgün və qədərində istifadə edilməlidir.
