Zəfər Günününə həsr olunan şeir müsabiqəsi keçirildi
Oktyabrın 8-də ibtidai sinif şagirdlərinin iştirakı ilə Zəfər Günününə həsr olunan şeir müsabiqəsi keçirildi. Azərbaycan Respublikasının suverenliyi,öz ərazi bütövlüyü uğrunda gedən mübarizədə həlak olan qəhrəman oğulların əziz xatirəsi bir dəqiqəlik sükutla yad edildi. Sonra şagirdlər Ali Baş Komandan, Prezident İlham Əliyevin rəhbərliyi altında tarix yazan Azərbaycan Ordusunun Vətən müharibəsində şanlı qələbəsini söylədikləri şeirlərdə canlandırdılar.
Tədbirdə iştirak edən məktəb-liseyin direktoru Nəbi Mahmudov 2020-ci il sentyabrın 27-də Azərbaycan Ordusunun Ermənistanın silahlı qüvvələrinə qarşı "Dəmir yurmuq” adlı əks-hücum əməliyyatına başlamasından danışdı, Vətən müharibəsinin Azərbaycanın qələbəsi ilə başa çatmasını və 30 ilə yaxın müddətdə düşmən işğalında qalan Azərbaycan torpaqlarının 44 gün müddətində azad edilməsini qürurla şagirdlərə çatdırdı.
Sonda I yerin qalibləri -Quliyeva Nigar(3c),Nəsirov Mehdi(3c),Nəcəfli Aylin(3e),Cəfərov Aydın(4e),Əlizadə Nuray(4ç) fəxri fərmanla ,digər iştirakçılar isə diplomlarla təltif olundular.
