"Peşə seçiminin optimal zonası"
Aprelin 21-də “Peşə seçiminin optimal zonası” mövzusunda vebinar keçirildi. Vebinarda məktəb liseyin direktoru N.Mahmudov ,Tərbiyə işləri üzrə direktor müavini F.Əliyeva,məktəb psixoloqu S.İsmayılova,UBR K.Muradova, IX siniflərin rəhbərləri,şagirdləri və valideynləri iştirak etdilər.
Vebinarda gənclərin peşə meyil və maraqlarının müəyyənləşdirilməsində kömək göstərmək, övladlarını yaradıcı əməyə hazırlamaq və onları düzgün ixtisas seçiminə yönəltmək barədə valideynlər məlumatlandırıldı. İxtisas seçimində diqqət yetirilməli məqamlar, bilik və bacarıqların düzgün qiymətləndirilməsi ətrafında müzakirələr aparıldı. Seçilən peşənin xüsusiyyət və tələbləri ilə gənclərin psixofizioloji və sosial-psixoloji durumu arasındakı uyğunluğun müəyyənləşdirilməsinin mühüm məsələlərdən olduğu diqqətə çatdırıldı.
Məktəb liseyin direktoru N.Mahmudov çıxışında peşənin mütəxəssisinə çevrilməyin doğru seçimdən başlandığını söylədi və bu yolda şagirdlərə uğurlar arzuladı. Çıxışını dahi Nizaminin "Kamil bir palançı olsa da,insan,Yaxşıdır yarımçıq papaqçılıqdan” müdrik kəlamı ilə bitirdi.
